كيف نحدد سرعة النجوم والمجرات !؟

_ازاي بنقدر نحدد سرعة النجوم او المجرات !؟ ..

تحدثنا في المقال الماضي  عن تمدد الكون ,وان بتمدده كل النجوم والمجرات بيبتعدوا عن بعض ماعدا مجرة اندروميدا بتقترب مننا بسرعة 110 كم/ث وده لينك المقال لو حد حابب يقراه .

https://greatest-discoveries.blogspot.com.eg/2017/06/blog-post_19.html

_اذا الان كيف يحدد العلماء سرعة الاجرام السماوية  !!؟

العلماء بيعتمدوا في هذا الموضوع  علي تأثير دوبلر (Doppler Effect)  حيث ان تردد الضوء يتغير  بتغير السرعة النسبية لمصدر الضوء.

_بمعني ان عند حساب تردد الضوء الواصل لينا من نجم او مجرة معينة ,و بدراسة الطيف الضوئي للنجم  سنجد ان تردد الضوء الخارج منه يفترض يكون مختلف عن التردد الواصل الينا.

وبمعرفة هل زاد التردد ام قل ..ومقدار التغير في التردد  نستطيع تحديد  سرعة النجم او المجره,وتحديد  اذا كانت مقتربه مننا او مبتعده.

_لو كان النجم مقترب مننا هيحصل للضوء الناتج منه حاجه اسمها الانزياح الازرق (Blue Shift) .. فالضوء تردده بينزاح تجاه الضوء الازرق اللي هو تردده كبير..بمعني ان  لو النجم بيقرب مننا ضوءه تردده بيزيد.

_ولو النجم بيبتعد , الضوء الناتج منه بيحصله انزياح احمر (Red Shift ) ..بمعني ان الضوء بينزاح تجاه الضوء الاحمر, وهو اقل في التردد ..بمعني ان  لو النجم  بيبتعد عنا ضوءه تردده بيقل .

وليس معني الانزياح الاحمر او الازرق ان الضوء  بيصبح احمر او ازرق..المقصود فقط هو ان الضوء بيميل تجاه تردد الضوء  الاحمر فبيقل تردده, لكن مش شرط انه  يصبح احمر, ونفس الكلام علي الانزياح الازرق.

_ملحوظه اخيره :

.بما ان الارض بتدور حول الشمس ..والمجموعة الشمسية ليست ثابته بل بتتحرك حول مركز المجرة بسرعة متوسطة مقدارها 828,000 km/hr ..فعند معرفتنا  سرعة نجم  لا تكون سرعة مطلقة..بمعني ان Doppler effect بتقيس  السرعة النسبية بينا وبين النجم ..فالسرعة الناتجه تكون  محصله لسرعتنا مع سرعة النجم.

_خلاصة ما قد قبل  اننا عن طريق الطيف الضوئي بنستطيع معرفة  ما يفترض ان يكون تردد النجم  ..وبنقيس تردد الضوء الناتج منه , وعن طريقه المقارنة بينهم بنعرف سرعة النجم ..وهل هو بيقترب مننا ولا بيبتعد.