تمدد الكون , واصطدام مجرتنا بمجرة اندروميدا

في عام 1929,اكتشف عالم الفلك "ادوين هابل اكتشاف مذهل,اذ وجد ان جميع المجرات بتبعد عن مجرتنا وبتبتعد عن بعضها البعض.

وكان تفسير الكلام ده ان الكون حجمه مش ثابت..بل بيتمدد مع الوقت.

_الموضوع عامل بالظبط زي لو رسمت علي بالونه  بعض النقاط ثم  نفختها...ايه هيحصل !!؟

كل ماتنفخ البالونه اكتر هتلاحظ ان النقاط بتبتعد عن بعضها اكتر ,مع ان في الحقيقة النقاط نفسها ثابته في مكانها لكن البالونه مع تمددها المسافات بين النقاط بتزيد فبتشعر ان النقاط بعدت عن بعض..ولو تخيلت نفسك مكان اي نقطه هتحس ان انت المركز وكل شئ بيبعد عنك.

نفس الكلام بينطبق علي الكون ..المجرات مش هي اللي بتبتعد عن بعض بل الكون لما بيتمدد المسافه بين المجرات بتزيد فبتشعر انها بتبتعد عن بعض..ولو فرضا في ناس عايشين في مجرات تانيه كل واحد  هيشعر انه مركز الكون وباقي المجرات بتبتعد عنه....

لكن من المعروف علميا ان يوما ما ستصطم المجرة المجاورة اندروميدا بمجرتنا,كيف يتفق هذا مع تمدد الكون !

مجرة اندروميدا وحجمها ضعف حجم مجرتنا , لا تبتعد عنا  مثل باقي المجرات بل بتقترب منا بسرعة 120 كم/ث ..

_ ايه سبب  الاختلاف في القاعدة !؟

_باختصار لان في قوتين بياثروا علي معدل تباعد المجرات عن بعضها :

القوة الاولي وهي  نتيجة تمدد الكون وتسبب تباعد المجرات عن بعضها البعض.

والقوة الثانية نتيجة قوة التجاذب بين المجرات  نتيجة  كتلة كل منهما  والتي تعمل علي تقليل المسافه بينهم...

_لكن المجرات بتبتعد عن بعض بملايين السنين الضوئية..كيف توجد جاذبية مؤثرة مع هذه المسافات الكبيرة .

قوة الجاذبية من اضعف القوي الموجودة في الطبيعة لكن تأثيرها يمتد لمسافات شاسعة .

_فلا تنسي  ان الجاذبية بتتناسب طرديا مع حاصل ضرب الكتليتين وعكسيا مع مربع المسافه (قانون نيوتن).

احنا بنتكلم عن مجرة اندروميدا  وكتلتها ~1.5×10^12 ومجرة درب التبانه وكتلتها نصف الاولي..والبعد بين المجرتين 2.5 مليون سنة ضوئية مع ان المسافة بينهم  مهولة  لكن لما نتلكلم عن الكون  بتعتبر المسافة دي رقم صغير نسيبا ,وبالتعويض في القانون  سنجد ان في جاذبية ومؤثره جدا.

نعود مرة اخري لكيف تتقارب المجرتين :

 عندما قامت ناسا بعمل حسابتها معتمده علي الانزياح الازرق..وجدت ان معدل اقتراب المجرتين نتيجة الجاذبية.. اكبر من معدل ابتعادهم نتيجة تمدد الكون ..وان مجرة اندروميدا بتقترب منا بسرعة 120 كيلومتر في الثانية لتصطدم المجرتين ببعضهم بعد 4.5 مليار سنه تقريبا ليتجمعوا في مجره جديده اهليجية الشكل اكبر في الحجم ..

_بفرض استمرارية تواجد البشر علي الارض..النظام الشمسي هيتدمر نتيجة التصادم!!؟

_المسافات بين النجوم شاسعه جدا فاقرب نجم لينا وهو نجم "alpha centauri" بيبعد عن الشمس ب 4.37 مليون سنه ضوئية ..فاحتمال ان نجمتين يصطدموا ضئيل للغايه ..بس لو في بشر لسه عايشين هيلاحظوا ان السما شكلها هيتغير بمقدار كبير..

_سؤال اخير..كيف يلاحظ العلماء اقتراب او ابتعاد النجوم والمجرات عن بعضها البعض  !!؟

_عن طريق الانزياح الاحمر والانزياح الازرق وسيتم شرحهم في مقال اخر.