كينج كونج ممكن يبقي موجود من الناحية الفيزيائية ؟

اغلبنا شاهد فيلم كينج كونج ..بس السؤال هنا بفرض  ان القرد كان بحجم القرد العادي ونتيجة قوة خارقة للطبيعة تضخم عشرات المرات مثلا ..ماذا سيحدث له لو حاول التحرك من الناحية الفيزيائية !!

وايه  تحليل العلم في الحالات المشابهة في افلام ديزني اللي الشخص فيها بيتضخم او بيصغر بعشرات الاضعاف زي فيلم Ant man مثلا !! 
علمياً المفروض قوتهم بالنسبة لحجمهم الجديد هتزيد ولا هيحدث العكس !

تعالوا الاول نناقش سؤال ايه اللي ممكن يحصل لو قرد عادي تضخم لسبب ما عشر مرات  وبقي بحجم مقارب لـ كينج كونج !!

_اغلب الناس هتكون اجابتهم انه هيصبح اقوي بالطبع ,لكن الموضوع محتاج الي شئ بسيط من التفصيل .

علي سبيل المثال بالنسبة لحركة القرد هيعتمد علي قوة قدمه في حمل وزن جسمه.. 

ولما القرد هيتضاعف بعشر مرات ستزداد قوة قدمه ,و وزن جسمه سيتضاعف ايضا.

_اولاً بالنسبة للقوة..

قوة العضلات  بتعتمد علي سُمكها.. فكل ما الشخص عضلاته سُمكها بيزيد قوته في المقابل  بتزيد ..طبعا في عوامل تانية بس كلها هتبقي ثابته في الحالة دي  واللي هيزيد بس هنا هو السُمك اللي هو بيعتمد علي مساحة مقطع العضلات..

يعني كده قوة العضلات بتعتمد علي مساحتها  وبالتالي بتتناسب مع مربع الرقم اللي هيتضاعف بيه .

يعني قوة قدمه هتزداد ب (10)^2 اي ب 100 ضعف.

_و بالنسبة للوزن..

_ الوزن هيتأثر بالحجم مع فرض ثبوت الكثافة .. فكل ما الحجم هيزيد الوزن هيزيد ..يعني كده الوزن  هيتناسب مع تكعيب الرقم اللي هيتضاعف بيه .

يعني الوزن هيزيد ب (10)^3 اي ب 1000 ضعف .

فبكده قوة عضلاته زادت ب 100 ضعف لكن وزنه زاد ب 1000 ضعف ..ونتيجة لذلك قوة ساقه ستصبح اضعف عشر مرات من انها تحمل وزنه

_يعني قوة القرد الاجمالية هتقل مش هتزيد ..لان الوزن زاد اكتر من قوة عضلاته بكتير.

يعني بكده القرد قوته هتقل بمعدل عشر اضعاف ..

فاذا حاول القرد بعدما تضاعف حجمه  ان بتحرك فقط لانكسرت قدماه !!

ولو حدث العكس..اي تضائل حجم شخص مثلا بمعدل الف ضعف واصبح اقرب لحجم نملة ..ماذا سيحدث لقوته !!

هيحدث نفس ماحدث في الحالة الاولي لكن بطريقة عكسية ..اي ان حجمه سيقل بمقدار 1000^3 ضعف..وستقل قوته بمقدار 1000^2 ضعف..

ونتيجة لذلك ستزداد قوته بالمقارنة بجسده بالف مره .

فلو كان هذا الشخص يستطيع حمل وزن مساوي لوزنه قبل ان يتقلص .

فبعد ان يتقلص سيستطيع حمل وزن الف ضعف وزنه الجديد ..

..

.

ولو في اي تعليقات او استفسارات ارجو كتابتها في الكومنتات.